ANO ANG CAGR AT BAKIT ITO IMPORTANTE SA PAG-SUKAT NG FUND PERFORMANCE?
- retironaryo
- May 5
- 3 min read
Updated: May 6
Kapag tumitingin tayo ng performance ng isang fund, hindi sapat na sabihin lang na “tumaas siya ng 100%, 200%, or 300%.”
Ang mas magandang tanong ay:
Ilang percent ba ang average growth niya bawat taon?
Dito papasok ang CAGR or Compound Annual Growth Rate.
Ang CAGR ay isa sa pinakamagandang paraan para sukatin ang long-term performance ng isang fund dahil isinasaalang-alang nito ang compounding at time period ng investment.
Hindi ito simpleng average return. Mas accurate itong gamitin kapag gusto mong malaman kung gaano kabilis lumago ang pera mo over several years.
Formula:
CAGR = (Final Value ÷ Beginning Value) ^ (1 ÷ Number of Years) - 1
Example:
Beginning Value: 100
Final Value: 477.0187
Number of Years: 8.01 years
So ang computation ay:
CAGR = (477.0187 ÷ 100) ^ (1 ÷ 8.01) - 1
Result:
CAGR = 21.54%
Ibig sabihin, kung smooth and consistent ang growth taon-taon, parang lumago ang fund ng average na 21.54% per year for 8.01 years.
Pero may mahalagang caution dito.
Hindi pinapakita ng CAGR ang volatility.
Pwedeng ang isang fund ay may mataas na CAGR, pero sa loob ng period na iyon, dumaan siya sa malalaking bagsak, corrections, at matinding fluctuation. Kaya hindi ibig sabihin na dahil 21.54% ang CAGR, bawat taon ay kumita siya ng exactly 21.54%.
May taon na mataas ang return.
May taon na mababa.
May taon na negative.
Pero kapag tiningnan mo ang buong period, iyon ang naging compounded annual growth rate.
Kaya kapag gagamitin ang CAGR sa pag-evaluate ng fund, mas maganda kung mas matagal na ang history ng fund.
Bakit?
Dahil kung 1 or 2 years pa lang ang fund, pwedeng maganda lang ang timing. Baka bull market lang. Baka naswertehan lang sa isang magandang taon.
Pero kung ang fund ay may 5, 8, 10, 15, or 20 years na track record, mas meaningful ang CAGR dahil mas marami na itong pinagdaanang market conditions — bull market, bear market, recession fears, high interest rates, inflation, pandemic, or market corrections.
The older the fund, the better CAGR becomes as a performance measure.
Now, kung ganitong klaseng fund ang pinag-uusapan — halimbawa, technology fund or high-growth equity fund — dapat maintindihan natin na usually volatile ito.
Pwedeng mataas ang long-term return potential, pero hindi smooth ang biyahe.
Kaya isa sa pinakamagandang strategy para sa ganitong fund ay cost averaging.
Ibig sabihin, mag-iinvest ka ng fixed amount regularly — monthly, quarterly, or kung ano ang kaya ng budget mo — regardless kung mataas or mababa ang market.
Kapag bumaba ang NAVPU, mas maraming units ang mabibili mo.
Kapag tumaas ang NAVPU, mas kaunting units ang mabibili mo.
Over time, naa-average ang buying price mo.
Ito ang dahilan kung bakit bagay ang cost averaging sa volatile funds.
Hindi mo kailangang hulaan kung kailan ang perfect timing. Ang kailangan mo ay:
discipline, consistency, long-term horizon, at tamang fund selection.
Pero kahit maganda ang historical CAGR, tandaan pa rin:
Past performance is not a guarantee of future return.
Ang CAGR ay guide lamang. Hindi ito promise. Hindi ito guarantee. Pero malaking tulong ito para malaman kung historically, ang fund ba ay may kakayahang magbigay ng growth na kailangan mo para maabot ang financial goal mo.
Kaya bago pumili ng fund, huwag lang tumingin sa popularity, dividend, or short-term gain.
Tingnan ang:
CAGR + volatility + fund age + fees + investment objective + kung bagay ba ito sa goal mo.
Dahil sa retirement planning, hindi sapat na “kumita.”
Ang mas importante ay:
Lumago ba ang investment mo sa rate na kailangan mo para maabot ang retirement fund goal mo?
Comments