“Sir! Sabihin mo na kasi kung saan magandang mag-invest!” — Part 2
Ito ang malaking problema ng maraming gustong mag-invest.
Hindi pa nila naiintindihan ang investment, pero gusto na agad malaman kung saan kikita.
Gusto ng stock name.
Gusto ng fund name.
Gusto ng crypto name.
Gusto ng “sure winner.”
Gusto ng shortcut.
Pero ayaw munang aralin ang basics.
Kaya maraming nalulugi kahit saan sila pumasok — stocks, crypto, real estate, mutual funds, UITF, business, o kahit anong investment vehicle.
Hindi laging investment ang problema.
Minsan, ang problema ay ang mindset ng investor.
Kapag ang hanap mo ay spoon-feeding, madali kang masusulsulan.
Kapag ang gusto mo ay kita agad, madali kang ma-FOMO.
Kapag ayaw mong mag-aral, aasa ka sa hula, tsismis, hype, at stock tips.
At kapag hindi mo alam kung bakit ka bumili, hindi mo rin alam kung kailan ka dapat mag-hold, magdagdag, o umiwas.
Ang tunay na investing ay hindi simpleng tanong na:
“Ano ang magandang bilhin?”
Mas importanteng tanong ang:
“Ano ang goal ko?”
“Gaano katagal ang time horizon ko?”
“Magkano ang kailangan kong retirement fund?”
“Anong rate of return ang kailangan ko?”
“Anong investment vehicle ang bagay sa goal ko?”
“Ano ang risk na kaya kong tiisin?”
“Naiintindihan ko ba ang binibili ko?”
Sa Retironaryo, hindi tayo nagtuturo ng shortcut.
Tinuturo natin ang tamang proseso.
Kasi ang taong umaasa lang sa tips, laging naghahanap ng susunod na sasabihin ng iba.
Pero ang taong nag-aaral, natututong gumawa ng sariling desisyon.
At sa pagbuo ng retirement fund, hindi sapat ang basta may investment ka.
Kailangan alam mo kung bakit, paano, saan, at hanggang kailan.
Dahil ang goal ay hindi lang kumita.
Ang goal ay makabuo ng retirement fund na kayang suportahan ang buhay na gusto mo sa future.
Investing without knowledge is not investing. It is guessing.
At ang guessing, kadalasan, mahal ang tuition fee.
Comments