Goal Muna Bago Investment!

Lagi nating sinasabi sa Retironaryo:

Bago pumili ng investment product, alamin muna ang goal.

Kasi ang investment product ay sasakyan lang.

Hindi ka dapat basta sumakay sa jeep, bus, tren, o eroplano kung hindi mo alam kung saan ka pupunta.

Ganyan din sa investing.

Hindi sapat na sabihin:

“Gusto kong mag-invest.”

“Gusto kong yumaman.”

“Gusto kong kumita ng malaki.”

“Gusto kong may passive income.”

Maganda pakinggan, pero kulang. Hindi pa iyan malinaw na goal.

Ang magandang investment goal ay dapat may direksyon, numero, panahon, at dahilan.

Halimbawa, hindi ganito:

“Gusto kong mag-ipon para sa retirement.”

Mas malinaw ito:

“Gusto kong magkaroon ng ₱20 million retirement fund by age 60 para makakuha ako ng around ₱800,000 per year using a 4% withdrawal rate, adjusted for inflation.”

Mas malinaw. Mas nasusukat. Mas madaling gawan ng plano.

Para masabing maganda ang goal, dapat may mga ganitong criteria:

1. Malinaw kung para saan ang pera.

Retirement ba? Education fund? Emergency fund? House deposit? Business capital? Travel? Healthcare?

Magkaiba ang goal, magkaiba rin ang dapat na investment vehicle.

Ang emergency fund, hindi dapat nilalagay sa volatile investment.

Ang retirement fund na 20 to 30 years pa bago gamitin, pwedeng bigyan ng mas mataas na growth potential.

2. May target amount.

Hindi pwedeng “basta malaki.”

Magkano ba talaga ang kailangan?

₱500,000?

₱5 million?

₱20 million?

₱50 million?

Kapag walang amount, hindi mo alam kung sapat na ba ang ginagawa mo.

3. May deadline.

Kailan mo kailangan ang pera?

After 3 years?

After 10 years?

At age 60?

Pag-college ng anak mo?

Importante ang time horizon dahil dito nakabase kung gaano ka-aggressive o ka-conservative dapat ang investment strategy mo.

4. Realistic sa capacity mong mag-invest.

Maganda ang goal, pero dapat kaya rin ng cashflow mo.

Kung ang goal mo ay ₱20 million in 10 years pero kaya mo lang mag-invest ng ₱2,000 per month, baka kailangan mong i-adjust ang goal, dagdagan ang income, pahabain ang timeline, o humanap ng investment strategy na may mas mataas na potential return.

Hindi masama mangarap nang malaki. Pero dapat may plano kung paano maaabot.

5. May required rate of return.

Ito ang madalas nakakalimutan ng investors.

Hindi sapat na magtanong ng:

“Maganda ba ang MP2?”

“Okay ba ang dividend stocks?”

“Maganda ba ang S&P 500?”

“Okay ba ang UITF?”

Ang mas tamang tanong:

“Anong return ang kailangan ko para maabot ang goal ko?”

Kung kailangan mo lang ng 5% per year, baka hindi mo kailangan ng sobrang aggressive investment.

Pero kung kailangan mo ng 10% to 12% per year, baka hindi sapat ang conservative products.

Dito pumapasok ang proper planning.

6. Dapat tugma sa risk tolerance at time horizon.

Hindi porket mataas ang potential return, automatic bagay na sa iyo.

Kung hindi mo kayang makita ang portfolio mo na bumaba ng 20%, 30%, o 40% temporarily, baka hindi ka pa ready sa aggressive investing.

Pero kung long-term ang goal mo at naiintindihan mo ang volatility, ang market downturn ay hindi laging kalaban. Minsan opportunity pa nga.

7. Dapat nasusubaybayan.

Ang magandang goal, mino-monitor.

Hindi pwedeng invest ka lang nang invest tapos bahala na.

Dapat alam mo kung on track ka ba o hindi.

Kailangan bang dagdagan ang monthly investment?

Kailangan bang baguhin ang asset allocation?

Kailangan bang bawasan ang expenses?

Kailangan bang taasan ang income?

Ang goal ay hindi dekorasyon. Ito ang compass ng financial journey mo.

8. Dapat flexible.

Nagbabago ang buhay.

Pwedeng tumaas ang income mo.

Pwedeng mawalan ng trabaho.

Pwedeng magkasakit.

Pwedeng magbago ang family situation.

Pwedeng magbago ang market condition.

Kaya ang goal dapat nirereview at ina-adjust, hindi basta kinakalimutan.

Sa madaling salita, ang magandang goal ay hindi lang pangarap.

It is a goal with a number, a timeline, a purpose, and a strategy.

Kaya bago ka magtanong kung anong investment ang maganda, tanungin mo muna ang sarili mo:

Para saan ba ang perang ito?

Magkano ang kailangan ko?

Kailan ko ito kailangan?

Magkano ang kaya kong i-invest?

Anong return ang kailangan ko?

Anong risk ang kaya kong tanggapin?

Kapag malinaw ang goal, mas madaling pumili ng tamang investment.

Pero kapag malabo ang goal, kahit magandang investment product, puwede pa ring maging maling desisyon.

Sa Retironaryo, goal muna bago product.

Hindi tayo basta naghahanap ng investment na “maganda.”

Hinahanap natin ang investment na bagay sa goal, time horizon, risk profile, at financial capacity mo.

Dahil ang tunay na investing ay hindi paramihan ng products.

Ang tunay na investing ay pagpapalago ng pera para maabot ang malinaw na layunin.

Facebook: https://www.facebook.com/share/p/1A1WG9Jghn/