Mas Risky Mag-Invest sa Pilipinas Kumpara sa US!
- retironaryo
- Apr 8
- 1 min read
Mas volatile at mas risky ang Philippine stock market kaysa U.S. stock market. Sa latest available World Bank/FRED annual volatility data, mas mataas ang reading ng Philippines (27.07) kaysa U.S. (24.99).
Bakit?
Dahil mas maliit, mas concentrated, at mas manipis ang Philippine market. Ang MSCI Philippines Index ay may 11 constituents lang, habang ang MSCI USA Index ay may 538 constituents. Ibig sabihin, mas konting kumpanya ang bumubuhat sa market natin, kaya kapag may problema sa iilan, ramdam agad ng buong market.
Kaya kung ang tanong ay saan mas risky mag-invest overall — Philippines or USA?
Generally, sa Philippines. Hindi dahil walang risk sa U.S., kundi dahil mas broad, mas deep, at mas diversified ang U.S. market. Sa Pilipinas, mas madaling maapektuhan ng local issues, foreign fund outflows, at mababang liquidity.
Ang mas volatile na market, mas madaling sumira ng investor behavior.
Dito pumapasok ang panic selling, fear, at emotional decisions. Kaya hindi sapat na tingnan lang kung “pwede bang kumita?” Dapat tanungin din: kaya mo bang tiisin ang bagsak?
Hindi lahat ng market risk ay pare-pareho. At sa comparison ng Philippines at U.S., mas mataas ang volatility, at therefore mas mataas din ang risk, sa Philippine stock market.
Nakakalungkot lang na habang mas limited na nga ang local market, nire-restrict din ng Philippine regulators ang access ng ordinaryong Pinoy sa international brokers gaya ng IBKR. Noong January 2026, naglabas ang SEC ng advisory na nagsasabing ang IBKR ay hindi registered o licensed para mag-offer ng trading services sa Pilipinas, at may mga ulat din ng access blocking kaugnay nito.
Comments